20:58, 24 Shilde 2019 | GMT +5
Aqmolada eskirtki saýdalaǵan 46 jastaǵy áıel ustaldy
KÓKShETAÝ. QazAqparat – Aqmola oblysy aýmaǵynda júrgizilgen jedel aldyn alý sharasy barysynda 1,5 keli esirtki zatyn «gashısh» saýdalaǵan Stepnogorsk qalasynyń turǵyny, 46 jastaǵy áıel ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.

«Kúdiktiniń turǵylyqty jerin tintý kezinde untaq tárizdi zat salynǵan 52 qaǵaz orama tabylyp, saraptamaǵa jiberildi», dedi vedomstvo ókilderi.
Qazirgi kezde, osy oqıǵaǵa baılanysty QR QK 297 babynyń 3 bóligi boıynsha is qozǵalyp, sotqa deıingi tergeý amaldary júrgizilýde.
Jalpy, jyl basynan beri tártip saqshylary Aqmola oblysy boıynsha 84 qylmystyq quqyqbuzýshylyqty anyqtady. Onyń ishinde 76 esirtki saýdasyna, 4-ýi iri kólemde esirtki saqtaýǵa qatysty. Budan bólek, 3 nashaqorlardyń uıashyǵy jabyldy.
Sonymen qatar, zańsyz aınalymda júrgen 49 keli esirtki zaty tárkilendi.