Aqmolada emdeý-dıagnostıkalyq sharalary standarttan aýytqyǵany anyqtaldy
KÓKShETAÝ. QazAqparat - Aqmola oblysyndaǵy medıtsınalyq qyzmettiń sapasyn baqylaýǵa qatysty júrgizilgen monıtorıng nátıjesine sáıkes bıylǵy jyldyń birinshi jartyjyldyǵynda kelisimshartta kórsetilgen qarjynyń 87 mıllıon 721 myńnan astam teńgesi alynyp tastaldy, dep habarlaıdy QazAqparat tilshisi «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń Aqmola oblystyq fılıalyna silteme jasap.
Atalmysh qordyń jergilikti fılıaly ókilderiniń aıtýynsha, usynylatyn medıtsınalyq qyzmettiń sapasyn qamtamasyz etýdegi saıasattyń basty baǵyty medıtsınalyq uıymdardyń mindetterin oryndaýy men qyzmet kórsetkishterin taldaý boıynsha monıtorıng júrgizý. Osy arqyly olardyń reıtıngisin qalyptastyrý.
«Anyqtalǵan kemshilikterdiń 42 paıyzy emdeý-dıagnostıkalyq sharalardyń standarttan aýytqýy úlesinde. Kemshiliktiń jalpy quny 87 mıllıon 721 myń teńgeni qurady», - dep túsindirdi «Áleýmettik medıtsınalyq saqtandyrý qory» kommertsııalyq emes aktsıonerlik qoǵamy Aqmola oblystyq fılıalynyń dırektory Nurlan Aqylbekov.
Sonymen qatar, qor ókilderiniń aıtýynsha, qaıtaryp alynǵan aqsha qosymsha qarjyny talap etetin medıtsınalyq uıymdarǵa bólinip berilmek.
Osylaısha, báskelestik orta medıtsınalyq uıymdardy qyzmet sapasyn arttyrýǵa eriksiz májbúrleıdi.
Aqmola oblysynyń densaýlyq saqtaý sýbektileriniń biryńǵaı bazasyna 68 medıtsınalyq uıym kiredi, onyń ishinde 45 memlekettik te, 23-i jeke menshik mekeme.
