Aqmolada Elbasy maqalasyn talqylaýǵa arnalǵan TEDh jıyndar ótip jatyr
Aqmola oblystyq bilim basqarmasynyń bas mamany Marına Lıdiń aıtýynsha, bıylǵy jyl halqymyzdyń tarıhı sanasyn jańǵyrtýdaǵy jańa kezeń bolyp otyr. Elbasynyń jaqynda jarııalaǵan «Uly dalanyń jeti qyry» atty maqalasy jastardy jańa jetistikterge jeteleıdi. Oqýshylardyń patrıottyq sezimin oıatyp, otansúıgishtikke, rýhanı jəne adamgershilikke tərbıelep, ıntellektýaldyq áleýetin arttyrýǵa múmkindik beredi. Bul jahandaný kezeńinde, ult tarıhynyń mádenıeti men qundylyqtaryn bilý, nasıhattaý ári saqtaý - eldi bekemdeýdiń tikeleı kepili. Osyǵan oraı, qańtardyń 14-26 kúnderi aralyǵynda Aqmola oblysynyń bilim uıymdarynda stýdentter men oqýshylar arasynda «Uly dalanyń jeti qyry» TEDh formatyndaǵy jıyndar ótkizilýde.
Sharanyń maqsaty - oqýshylarǵa qazaq halqynyń rýhanı bastaýy men ıntellektýaldy murasynyń tereń ekendigin, jańǵyrýdy jasaıtyn tarıhı úlgi, jahandyq qaýip-qaterge ulttyq jaýap, álemdik órkenıet keńistiginde qazaq etnosynyń orny men rólin túsindirý.
«Kókshetaý qalalyq №17 orta mektebinde joǵary jáe tómengi synyp oqýshylarynyń arasynda dıalog alańy uıymdastyryldy. Onda oblys ortalyǵyndaǵy kıeli jerler týraly «Meniń Kókshetaýym» kvest oıyny ótkizildi. Bir aıta keterligi, bul mektepte Qazaqstannyń tarıhı-mádenı oryndaryn oqýshylarǵa kórsetýde aýqymdy jumystar júrgizilip jatyr. Mektepte kıeli jerler týrızmi jaqsy damyǵan. Sońǵy 2 jyldyń ishinde oqýshylar Túrkistan, Petropavl, Atyraý qalalarynyń kıeli oryndarynda jáne Shoqan Ýálıhanovtyń týǵan jerinde boldy. Sonymen qatar, mektepte qazaqstandyq ziltemirshi, álemniń tórt dúrkin chempıony Ilıa Ilın oqyǵan Qyzylorda qalasynyń №198 orta mektebiniń joǵary synyp oqýshylarynyń qatysýymen onlaın-konferentsııa uıymdastyryldy», - deıdi Marına Lı.
Qýantarlyǵy - bul mektepte osyndaı sharalar maqsatty túrde jıi ótkizilip turady. Shara halqymyzdyń tarıhyn bilýge jəne týǵan ólkesin zertteýge múmkindik beredi.
«Jaqynda mektepte murajaı ashý josparda bar. Onda oqýshylar týǵan ólkesin zerttep qana qoımaıdy. Ol keleshek ǵalymdardy, tarıhshylardy, geograftardy, bəsekelestikke tótep beretin jəne pragmatıkalyq urpaq tərbıeleýge múmkindik beredi», - dep sózin tolyqtyrdy Marına Lı.
Aqmola oblystyq bilim basqarmasynyń málimetinshe, búgingi kúni osyndaı sharalar Býrabaı jəne Bulandy aýdandaryndaǵy bilim uıymdarynda da ótkizilýde.