Aqmolada eki táýlikte tabıǵatty qorǵaý zańnamasyn buzýdyń 19 áreketi anyqtaldy
KÓKShETAÝ. QazAqparat - Aqmola oblysynda arnaıy qurylǵan mobıldi top eki táýliktiń ishinde tabıǵatty qorǵaý zańnamasynyń buzylýyna qatysty 19 oqıǵany anyqtady, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, oblys aýmaǵynda qańtardyń 6-sy men aqpannyń 5-si kúnderi tabıǵatty qorǵaý zańnamasynyń qorǵalýyn qamtamasyz etý, bıologııalyq resýrstar ónimi men nysandarynyń zańsyz aınalymyn, ekologııalyq qylmystardy ashý baǵytynda «Brakoner» jedel aldyn alý sharasy ótip jatyr.
«Aktsııanyń alǵashqy eki táýliginiń ishinde tabıǵatty qorǵaý zańnamasynyń buzylýyna qatysty 19 oqıǵany anyqtaldy, onyń 13-i ańshylyq erejesiniń buzylýy, 3-i balyq aýlaý erejesiniń buzylýyna qatysty. Budan bólek, ańshylyq myltyqty birge alyp júrý, tasymaldaý boıynsha 3 ákimshilik hattama toltyryldy jáne 2 myltyq tárkilendi.
Aıta ketý kerek, tabıǵatty qorǵaý zańnamasynyń buzylý oqıǵalary kóbine Astrahan, Atbasar aýdandary men Kókshetaý qalasy aýmaǵynda tirkeldi», - deıdi vedomstvodan.
Aqmol oblysynyń tabıǵatty qorǵaý polıtsııasynyń qyzmetkerleri ańshylyqty arnaıy bekitilgen ańshylyq jerlerde ǵana júrgizýge bolatynyn eskertedi. Ol úshin ańshynyń qolynda ruqsat qujattary bolýy tıis.
