Aqmolada ETsQ paıdalaný arqyly bıýdjet qarajaty urlanǵan

KÓKShETAÝ. QazAqparat - Aqmola oblysynda basshysynyń ETsQ paıdalanǵan býhgalter bıýdjet qarajatyn urlaǵan. Bul týraly Aqmola oblysy boıynsha Sybaılas jemqorlyqqa qarsy is-qımyl departamentinde onlaın rejımde ótken májiliste aıtyldy, dep habarlaıdy QazAqparat tilshisi vedomstvonyń baspasóz qyzmetine silteme jasap.

«Sotqa deıingi tergeý sharasy barysynda Zerendi aýdany ákimdiginiń janyndaǵy mekemelerdiń biriniń býhgalteri basshysynyń elektrondy-tsıfrlyq qoltańbasyn paıdalaný arqyly bıýdjet qarajatyn urlaǵany anyqtaldy. Ol óziniń kartochkasynyń esep-shotyna jalaqysy jáne ilespe tabys túrindegi aqshalaı qarajat, jalpy somasy 979 499 teńge bıýdjet qarajatyn negizsiz aýdarǵan. Qylmystyq qýdalaý organy qabyldaǵan túpkilikti sharalardyń nátıjesinde urlanǵan qarjy memleket kirisine óteldi. Osy qylmysy úshin sot býhgalterdi 2 jyl merzimge bas bostandyǵynan shekteý jazasyna kesti», - deıdi vedomstvodan.

Vedomstvodan atap ótkendeı, onlaın májiliste QR QPK 200-baby tártibinde qylmystyq quqyq buzýshylyqtar jáne basqa da zań buzýshylyqtar jasaýǵa yqpal etken jaǵdaılardy joıý jónindegi usynystar talqylandy.