Aqmolada Dúnıejúzilik adam saýdasymen kúres kúnine oraılastyrylǵan aktsııa ótti
KÓKShETAÝ. QazAqparat – Aqmola oblysynyń tártip saqshylary men qoǵam ókilderi adam saýdasyna qarsy aktsııa uıymdastyrdy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, Dúnıejúzilik adam saýdasymen kúres kúnine oraılastyrylǵan aktsııa sheńberinde polıtsııa qyzmetkerlerinen bólek, «Shans» áleýmettik-psıhologııalyq jáne quqytyq qoldaý ortalyǵynyń psıhologtary men zańgerlerinen quralǵan arnaıy mobıldik top Kókshetaý qalasyndaǵy saýda-oıyn-saýyq kesheninde kelýshilermen kezdesti.
Saýda úıinen kelýshilerge adam saýdasynyń qaýipi týraly aqparat jazylǵan jadynama taratyldy, sondaı-aq, adam saýdasyna qatysty oqıǵa týraly habarlaý nemese kómek alý úshin «qaýyrt jeli» telefonynyń nómiri berildi.
«Biz qala turǵyndarynyń nazaryn adam saýdasy máselesine aýdarýǵa tyrystyq. Turǵyndardy osyndaı jaǵdaıǵa tap bolǵan adamdarǵa kómektesý qajettigin, ásirese, ne isteý, kimge habarlasý kerektigin túsindirdik», - dep atap ótti polıtsııa maıory Ómirserik Beısenov.
Shara aıtylǵandaı, ıývenaldy polıtsııa bólimshesiniń qyzmetkerleri bilim berý jáne «Shans» ortalyǵynyń mamandarymen ómirde qıyndyqqa tap tolǵan jasóspirimderge ýaqtyly áleýmettik kómek kórsetýde.
«Mamyr aıynda «Stop trafık» jedel aldyn alý sharasy kezinde óńirde adam saýdalaý oqıǵasy anyqtaldy. Anyqtalǵandaı, Kókshetaý qalasynyń turǵyny, kelinshek óziniń tanysyn jumys kúshi retinde 10 myń teńgege «satyp» jibergen. Polıtsııa qyzmetkerleriniń shıraq qımylynyń arqasynda qylmystyq is ashylyp, «satýshy» men «satyp alýshy» jaýapkershilikke tartyldy», dep tolyqtyrdy vedomstvodan.
Tártip saqshylary, turǵyndarǵa adam saýdasyna qatysty oqıǵa týraly estise nemese kýási bolsa, birden polıtsııaǵa habarlasýyna bolatynyn eske salady.
