Aqmolada dúkennen 2,3 mıllıon teńgeniń zatyn urlaǵandar ustaldy
KÓKShETAÝ. QazAqparat - Aqmola oblysynda dúkennen 2,3 mıllıon teńgeniń avtokólik qosalqy bólshekterin urlaǵan kúdiktiler ustaldy, dep habarlaıdy QazAqparat tilshisi.
ІІD baspasóz qyzmetiniń málimetine qaraǵanda, urlyq 2017 jylǵy 15 qyrkúıekte Esil aýdanynda bolǵan. Kúdiktiler jergilikti dúkenniń biriniń aýmaǵynan 2,3 mıllıon teńgeniń avtokólik qosalqy bólshekterin urlap áketken. Alaıda, sol kezde polıtseılerge qylmysty izin sýytpaı ashý múmkindigi bolmady. Araǵa birneshe aı salyp, keshendi jedel-izdestirý sharasy barysynda jastary 27 jastaǵy jergilikti eki turǵyn qolǵa tústi.
«Qazirgi kezde, kúdiktiler qylmysyn moıyndady, olardyń ústinen QR QK 188-babynyń 3-bóligi qylmystyq is qozǵaldy.
