Aqmolada tsement zaýytynyń peshin tazalap júrgen úsh jumysshy kúıip qaldy
KÓKShETAÝ. QazAqparat- Aqmola oblysyndaǵy «Kókshe Tsement» JShS-nyń jumysshylary pesh tazalap júrip, kúıip qalǵan, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Vedomstvonyń málimetinshe, oqıǵa tamyzdyń 31-de saǵat 14:30-da Birjan sal aýdanyndaǵy Zaozernoe aýylynan 7 shaqyrym qashyqtyqta ornalasqan «Kókshe Tsement» JShS aýmaǵynda bolǵan.
«Kásiporynnyń tsement klınkerin (usaq túıirshektelgen sazdy áktasty kúıdirý arqyly alynatyn ónim) kúıdirýge arnalǵan peshti tazalaý kezinde 1983 jyly týǵan E.S. Salyqov pen 1989 jylǵy B.A.Aýzarov 18 paıyz jáne 2000 jylǵy A.B.Óskimbaev 5 paıyz dene kúıigimen aýrýhanaǵa jetkizildi», deıdi vedomstvonyń baspasóz qyzmetinen.
Al, zardap shekkender jatqyzylǵan Býrabaı aýdandyq aýrýhanasy dárigerleriniń aıtýynsha, jumysshylardyń jaǵdaılary ortasha, travmatologııa bólimshesinde tıisti em qabyldaýda.
Qazir osy oqıǵa baılanysty quramynda eńbek ınspektorlary bar arnaıy komıssııa qurylyp, tekseris júrgizilýde.
