Aqmolada byltyr jóndelgen mekteptiń shatyrynan sý aqty
KÓKShETAÝ. QazAqparat - Aqmola oblysynyń Shortandy aýdanyndaǵy Damsa orta mektebiniń shatyrynan sý aqqany anyqtaldy, dep habarlaıdy QazAqparat tilshisi Aqmola oblysynyń Іshki saıasat basqarmasynyń baspasóz qyzmetine silteme jasap.
Qazirgi kezde, «Səýlet qurylys toby» JShS demeýshilik kómek aıasynda jóndeý jumystaryn júrgizý úshin qajetti esep-qısaby men jobalyq-smetalyq qujattaryn əzirleýde. Jobalyq-smetalyq qujattary daıyn bolǵan soń aqsha bólýge ótinish beriledi.
«Oqýshylardyń qaýipsizdigi úshin mekteptiń ekinshi qabatynda sabaq ótkizýge tyıym salyndy. Al jalpy, mektep boıynsha sabaq kestege saı shtattyq rejimde ótkizilýde. Shatyrdan aqqan sý oqýǵa eshqandaı kedergi keltirgen joq», - dep túsindirdi baspasóz qyzmetindegiler.
Aıta ketý kerek, Damsa orta mektebi 1975 jyly salynǵan. 2012 jyly jergilikti bıýdjetten bólingen 44,9 mıllıon teńgege kúrdeli jóndeý jumystary júrgizildi.
2017 jyly da jergilikti bıýdjetten 4,5 mıllıon teńge qarjy bólindi. Memlekettik satyp alý boıynsha «Qurbanbaev» JK bilim ordasynyń shatyryna quny 2,2 mıllıon teńgeniń aǵymdaǵy jóndeý jumystary júrgizdi. Nətıjesinde mektep 2017-2018 oqý jylyna tolyq daıyn dep tanyldy.
Alaıda, qystyń qatty aıazdy kúnderi mekteptiń shatyry syr berip, naýryz aıynda erigen qar sýy tóbeden sorǵalap aqty.
Osyǵan baılanysty merdiger kompanııanyń basshylyǵyna shaǵym hat jiberilip, sotqa talap-aryz da joldandy.
Shatyrdan sý aqqan kezde muǵalimder jaǵdaıdy óz kúshterimen joıýǵa tyrysty. Endi jóndeý jumystaryn «Səýlet qurylys toby» JShS qolǵa alýdy josparlap otyr.
Foto: saltday.ru
