Aqmolada burynǵy Mır kóshesi Táýelsizdik bolyp ózgerdi

KÓKShETAÝ. QazAqparat - Aqmola oblysyndaǵy Zerendi selosynyń ortalyq kóshesine Táýelsizdik ataýy berildi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap. 

«Rýhanı jańǵyrý» baǵdarlamasy sheńberinde burynǵy Mır kóshesi Táýelsizdik bolyp ózgertilip otyr. Osyǵan oraı, uıymdastyrylǵan saltanatty sharaǵa Zerendi aýdanynyń ákimi Mereke Mustafın, aýdandyq máslıhat depýtattary, aýdannyń qurmetti azamaty Ivan Pozdnıakov qatysyp, quttyqtaý sóz sóıledi. Kóshe ataýyn ózgertý týraly mádenıet salasynyń ardageri Kúlásh Raqymjanov birinshi bolyp, usynys jasaǵan eken.

Saltanatty shara dástúr boıynsha shashý shashý jáne dombyranyń sazdy únimen ashylyp, jergilikti kórkemónerpazdardyń oryndaýyndaǵy ásem án men myń burylǵan bıge ulasty. Jınalǵan qaýym patrıottyq naqyshtaǵy ándermen sýsyndap, kóterińki kóńil-kúımen tarqasty.