Aqmolada búgin koronavırýs juqtyrǵan 9 adam - Tselınograd aýdanynyń turǵyndary
KÓKShETAÝ. QazAqparat - Aqmola oblysynda koronavırýs ınfektsııasyn juqtyrýdyń taǵy 10 jaǵdaıy tirkeldi. Onyń 9-y - Tselınograd aýdanynda, bireýi - Kókshetaý qalasynda, dep habarlaıdy QazAqparat tilshisi oblystyq taýarlar men qyzmetterdiń sapasy men qaýipsizdigin baqylaý departamentine silteme jasap.
«Koronavırýs ınfektsııasyn juqtyrǵan adammen baılanysta bolǵan 10 adamnan zerthanalyq zertteý úshin synama alyndy. Dıagnostıkalyq zertteýdiń qorytyndysy boıynsha barlyǵynda COVID-19 dıagnozy rastaldy», - deıdi vedomstvodan.
Departamenttiń málimetinshe, qazirgi kezde naýqastar juqpaly aýrýlar stantsıonaryna jatqyzylyp, tıisti em qabyldaýda.
«Naýqastarmen baılanysta bolǵan adamdar anyqtalyp, medıtsınalyq baqylaýǵa alyndy. Sondaı-aq aýrý juqtyrý oshaǵynda dezınfektsııa jumystary júrgizilýde», dep tolyqtyrdy vedomstvodan.
Aıta keteıik, 2020 jyldyń 12 sáýirindegi jaǵdaı boıynsha óńirde koronavırýs ınfektsııasyn juqtyrǵan barlyǵy 71 adam bar. Onyń ishinde Tselınograd aýdanynda – 65, Arshaly aýdanynda – 3, Kókshetaý qalasynda – 2, Shortandy aýdanynda – 1 jaǵdaı tirkelip otyr.
Eske sala keteıik, búginde elimizde koronavırýs juqtyrǵan adamdar sany - 897.
