Aqmolada boryshkerlermen birge adal tutynýshylardy da gazdan ajyratyp tastaǵan
«Anyqtalǵandaı, tutynýshylar kóppáterli turǵyn úıge gaz rettegish qondyrǵy arqyly gaz berý qyzmetine qaryzy bolǵan jaǵdaıda «Gaz-Qyzmet» JShS boryshkerlermen birge adal tutynýshylarǵa da gaz berýdi toqtatqan. Bul olardyń quqyqtaryn buzdy», - dep atap ótti Aqmola oblysy boıynsha monopolııaǵa qarsy departament.
Ótinishterdi qaraý jáne taýar naryǵyna taldaý júrgizý qorytyndysy boıynsha Aqmola oblystyq monopolııaǵa qarsy departamenti «Gaz-Qyzmet» JShS áreketinde QR Kásipkerlik kodeksiniń 174-babynyń normalaryn buzý belgilerin anyqtady.
«Gaz-Qyzmet» JShS atyna Qazaqstannyń monopolııaǵa qarsy zańnamasyn buzý faktilerin joıý jáne aldaǵy ýaqytta osyndaı is-áreketterge jol bermeý boıynsha shara qabyldaý qajettigi týraly habarlama joldandy.
Vedomstvodan atap ótkendeı, habarlama zańnamada belgilengen merzimde oryndalmaǵan jaǵdaıda monopolııaǵa qarsy departament tergeý rásimin bastaýǵa quqyly.
Aıta ketsek, munyń aldynda Aqmola oblysy boıynsha monopolııaǵa qarsy departament qyzmetkerleri eki kompanııanyń qant baǵasyn sebepsiz kótergenin anyqtaǵan bolatyn.