Aqmolada borandy kúni shópke ketken 3 traktorshy tabylmaı jatyr
KÓKShETAÝ. QazAqparat – Aqmola oblysynyń Esil aýdanynda borandy kúni shóp ákelýge ketken úsh traktorshy adasyp ketti, dep habarlaıdy QazAqpara óńirlik tótenshe jaǵdaılar departamentiniń baspasóz qyzmetine silteme jasap.
Olar Esil aýdanynyń Aqsaı jáne Krasıvoe aýyldarynyń ortasynda joǵalyp ketken.
«Prestıj» sharýa qojalyǵynyń úsh traktorshysy K-700, MTZ-80 jáne MTZ-82 traktorlaryna minip, shópke ketken. Jumysshylar keshe tańerteń dittegen jerine baryp, shóp artyp, keshkisin aýylǵa qaraı jolǵa shyqqan. Qaıtar jolda iz-túzsiz ketti. Áýeli tabylady dep úmittengen, biraq búgin tańerteń aýyldyqtar kómek surap bizge keldi», - deıdi Esil aýdany tótenshe jaǵdaılar bóliminiń basshysy Erjan Qappasov.
Traktorshylardyń Aqsaı jáne Krasıvoe aýyldarynyń aralyǵyndaǵy qara jolmen ketkeni belgili. Іzdestirý sharalaryna DEÝ, aýdandyq TJB jáne jergilikti polıtsııa qyzmetiniń qyzmetkerleri jumyldyrylýda
Jumysshylardy izdeý jumysy áli nátıje bergen joq. Óıtkeni dál qazir dalada eshteńe kórinbeıtin aqtútek boran soǵyp tur.
Illıýstratsııalyq foto: bereznyagovskoe.e-gov36.ru
