Aqmolada boranda jolǵa shyqqan myńdaǵan avto polıtsııaǵa ilesip júrýge májbúr boldy
KÓKShETAÝ. KAZINFORM — Aqmola oblysynda jolǵa shyqqan 2600-ge jýyq avtokólik polıtsııa kóligine ilesip júrdi.
«Avtokólik keptelisine baılanysty jergilikti polıtsııa qyzmeti basqarmasynyń patrýldik polıtsııa batalony men rotasynyń qyzmetkerleri jol qozǵalysy qaýpsizdigin qamtamasyz etti. Barlyǵy 11 kolonnaǵa tizbektelgen 2600-ge jýyq avtokólik polıtsııaǵa ilesip júrdi, onyń ishinde „Astana-Şýche“ baǵytynda 820 jeńil jáne 179 júk kóligi, „Qaraǵandy-Pavlodar“ baǵytyndaǵy 1300 jeńil jáne 365 júk kóligi bar», — dedi vedomstvodan.
Aıtýynsha, qazirgi kezde qolaısyz aýa raıyna baılanysty oblys aýmaǵynda 12 jol ýchaskesi jabylǵan.
Jol qozǵalysy qaýpsizdigin qamtamasyz etýge 109 polıtsııa qyzmetkeri jáne 59 patrýldik avtokólik jumyldyrylǵan.
Aıta ketsek, budan buryn Astanada boranǵa baılanysty barlyq qyzmet túri kúsheıtilgen rejımge kóshkenin jazǵan edik.
