Aqmolada boranda jolda qalǵan 100-ge jýyq adam qutqaryldy
KÓKShETAÝ. QazAqparat - Aqmola oblysynda boranda jolda qalǵan 100 shaqty adam qutqaryldy, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Vedomstvonyń dereginshe, qańtardyń 16-synda saǵat 16:19 shamasynda «Ekaterınbýrg - Almaty» tasjolynyń 876-shaqyrymynda, ıaǵnı Mohovoe aýyly tusynda qar qursaýynda qalyp qoıǵan kóliktegi 1958 jylǵy er adam qutqaryldy. Er adamǵa medıtsınalyq kómek qajet bolyp, Jaqsy aýdandyq aýrýhanasyna jetkizildi.
Jaqsy aýyly mańynda jolda qalǵan kólikten eki adam qutqaryldy. Aýdan aýmaǵynda budan basqan taǵy 12 adamǵa qutqarýshylar kómekke keldi.
Sol kúni 16:19-de Esil aýdanynda «Esil-Krasnogorsk» jolynda 4 jeńil kólik pen 1 júk kóligi qar qursaýynda qalǵany anyqtaldy. Munda 12 adam (onyń 2-ýi bala) qutqarylyp, Esil qalasyna jetkizildi. Qutqarý jumystaryna TJD apatty qutqarý qyzmetkerleri jumyldyryldy.
Shortandy aýdanynda «Shortandy-Jolymbet» tasjolynyń Qarajar tusynda 9 kólik pen 25 adam qutqarylyp, Jolymbet orta mektebine ýaqytsha jaıǵastyryldy.
Qańtardyń 17-de saǵat 01:39 shamasynda Ereımentaý aýdanynda «Nur-Sultan-Shiderti» tasjolynyń 175-shaqyrymynda 20 jolaýshy men 8 kólik qutqaryldy. Jolaýshylar Ereımentaý qalalyq №3 orta mektepke ornalasty.
Osy kúni saǵat 01:56-de Astrahan aýdanynda «Jaltyr-Makınsk» tasjolynyń Jańaturmys aýyly tusynda 3 adam qutqarylsa, saǵat 02:35-te Jaqsy aýdanynda «Atbasar-Jańaqyıma» jolynda 7 adam jáne 2 kólik, saǵat 00:30-da Qorǵaljyn aýdanynda «Qorǵaljyn-Barshyn» tasjolynyń 30-shaqyrymynda 16 adam jáne 8 kólik qar qursaýynan bosatyldy. Saǵat 02:30-da Birjan sal aýdanynda «Stepnıak-Makınsk» jolynda isten shyqqan kólikte bolǵan 4 adamǵa qutqarýshylar kómekke keldi.
