Aqmolada bilim salasyndaǵy qarjynyń qalaı jumsalatynyn kórsetetin joba iske qosyldy

Aqmola oblysynyń birneshe aýdanynda bilim salasynyń bıýdjetin tsıfrlandyrý boıynsha pılottyq joba iske qosyldy, dep habarlaıdy Kazinform.

Biryńǵaı tsıfrlyq esepke alý jobasy Aqmola oblysynyń bilim berý uıymdarynda engizildi.

Joba oblystyń tórt óńirinde — Kókshetaý jáne Qosshy qalalarynda, Esil jáne Tselınograd aýdandarynda bastaldy. 

Bastama Sybaılas jemqorlyqqa qarsy is-qımyl agenttiginiń tóraǵasy Ashat Jumaǵalı men oblys ákimi Marat Ahmetjanovtyń qatysýymen Sybaılas jemqorlyqqa qarsy is-qımyl máseleleri jónindegi vedomstvoaralyq komıssııa otyrysynda usynyldy.

Taraptar birlesken buıryqqa jáne jobany iske asyrý josparyna qol qoıdy.

Bıýdjet qarajatyn josparlaý jáne ıgerý protsesterindegi sybaılas jemqorlyq táýekelderin boldyrmaý — pılot jobanyń basty mindeti.

ıAǵnı, bıýdjettik ótinim jasaý jáne usyný protsesin avtomattandyrýdy esepke alýdyń aqparattyq júıesi ulttyq bilim berý derekter bazasymen, «Qazynashylyq-klıent» júıesimen, Ulttyq testileý ortalyǵynyń sertıfıkattary týraly derekter bazasymen, sondaı-aq qyzmetkerlerdiń qatysýyn baqylaý júıesimen birigedi.

Jaqynda pılottyq joba Pavlodar oblysynda iske qosyldy.

Jumys oń nátıje bergen jaǵdaıda joba elimizdiń barlyq óńirinde engiziledi.