Aqmolada bir top qurylysshy kásibı merekege oraı marapattaldy
KÓKShETAÝ. QazAqparat – Aqmola oblysynda Qurylysshylar kúni merekesine arnalǵan saltanatty sharaǵa ótti, dep habarlaıdy QazAqparat tilshisi.
Kókshetaýdaǵy «Dostar» mádenıet saraıynda uıymdastyrylǵan sharaǵa aımaq basshysy Ermek Marjyqpaev qatysyp, sala qyzmetkerlerin kásibı merekesimen quttyqtady.
Oblys ákimi aldymen óńirdegi qurylys salasynda atqarylyp jatqan jumystarǵa toqtaldy. Ol óz sózinde búgingi kúni qurylys el ekonomıkasynyń kúretamyryndaı ekenin aıtty. Ásirese, óńirdegi záýlim ǵımarattarynan bastap, basqa da úlkendi-kishili nysandardyń ár kirpishin óz qolymen qalap júrgen qurylysshylarǵa alǵysyn bildirdi.
«Osy kúni elimizdegi turǵyn úı baǵdarlamalaryn iske asyrýdaǵy qurylysshylardyń qoltańbasyn erekshe aıtýǵa bolady. Jalpy, Aqmola qurylysy qarqyn alǵan óńir. Sońǵy jyldary biz úshin jemisti boldy. «Nurly jer» baǵdarlamasy bastalǵan eki jyldyń ishinde 1 mıllıon 300 myń sharshy metr turǵyn úı paıdalanýǵa berilip, 10 myńnan astam otbasy turmys jaǵdaıyn jaqsartty. Munyń ishinde jeke jáne kommertsııalyq qurylys kompanııalary belsendilikti arttyra túsýde. Olardyń qatysýymen 998 myń sharshy metr turǵyn úı boı kóterdi. Bıýdjet qarajaty esebinen ınjenerli-kommýnıkatsııalyq ınfraqurylym aýqymy keńeıdi. Bıyl da sol údeden shyǵatyn bolamyz», - deı kele, óńir basshysy Ermek Marjyqpaev birqatar sala qyzmetkerlerine «Qazaqstannyń qurmetti qurylysshysy» jáne oblys ákiminiń Alǵys hatyn saltantty tú
Saltanatty shara jergilikti kórkem ónerpazdardyń merkelik kontsertine ulasty.
