Aqmolada bilim berý salasyna salynǵan ınvestıtsııa kólemi 2 esege artty
«Adamı kapıtaldy damytý, mańyzdy basymdylyq bolyp qalýda. Pandemııaǵa baılanysty bilim berý salasyna ınvestıtsııalar kólemi 2 esege, al densaýlyq saqtaý salasyna 3,5 esege artty», - dedi ákim Ortalyq kommýnıkatsııalar qyzmetinde.
Onyń aıtýynsha, orta bilim berý júıesinde mektep oqýshylaryn qashyqtan oqytý úshin barlyq jaǵdaı jasaldy. Osy máselede Úkimet úlken kómek kórsetti, 23 myń kompıýter tehnıkasyn satyp alýǵa qarajat bólindi, olar az qamtylǵan otbasylardyń balalaryna usynyldy. Jergilikti bıýdjet esebinen 2,5 myń kompıýter satyp alyndy.
Ákim úsh aýysymdaǵy mektepter máselesine toqtaldy. Oblys aýmaǵynda osyndaı 12 mektep bar. Osy oraıda 2020 jyldyń sońy men 2021 jyly birqatar jańa mektep paıdalanýǵa beriletin bolady.
Budan buryn habarlanǵandaı, bıyl Aqmola oblysynda 570 myń sharshy metr turǵyn úı paıdalanýǵa beriledi. Sonymen qatar azyq-túlik beldeýi aıasynda óńirde 41 joba iske asyrylyp jatyr.
