Aqmolada Bıler keńesi quryldy

KÓKShETAÝ. QazAqparat - Aqmola oblysynyń Birjan sal aýdanynda Bıler keńesi quryldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.

Birjan sal aýdandyq sotynda ótken sharaǵa sot tóraıymy G.Anarbekova,  aýdandyq ardagerler keńesiniń tóraǵasy K.Hamzın, Stepnıak qalasynyń ardagerleri jəne qoǵam belsendileri qatysty.

Kezdesýde sot tóraıymy Bıler keńesin qurý - bul ulttyq qundylyqty jańǵyrtý ekenin aıta kele, Elbasymyzdyń «Bolashaqqa baǵdar: rýhanı jańǵyrý» atty  baǵdarlamalyq maqalasynda qazaqtyń bıler keńesin ulttyq qundylyqtar retinde tanyp, ony halyq arasynda keńinen nasıhattaý qajettigi aıtylǵanyna toqtaldy.

«Bıler keńesin qurý Qazaqstan Respýblıkasy Joǵarǵy Sotynyń «Tatýlasý: sotqa deıin, sotta» jobasynyń bastamasy, onyń maqsaty daýlardy jáne janjaldardy sotqa deıin retteý. Bizdiń aýdanda Bıler keńesi azamattyq daýlardy sheshýge septigin tıgizýi tıis, olardy sotqa jetkizbeı daýlasqan taraptardy tatýlastyrýy kerek», - dedi sot tóraıymy.

Kezdesýge qatysýshylar Keńesti uıymdastyrý men qyzmeti máselelerin talqylap, ony qurý týraly usynysty qoldady. Bıler keńesiniń quramyna usynylǵan úmitkerlerdiń arasynda aýdannyń qurmetti ardagerleri Saýytbaı Júsip, Serik Bákirov jáne Temirbek Omarov bar.

Bıler keńesine qazaq bıler soty qyzmetiniń negizgi prıntsıpterin, onyń ishinde daýlasqan taraptardy dana sheshimdermen tatýlastyra alýdy jańǵyrtý boıynsha mańyzdy mıssııasy júkteledi.