Aqmolada bes kúnde 47 mas júrgizýshi ustaldy
KÓKShETAÝ. QazAqparat - Aqmola oblysynda bes kúnniń ishinde 600-den astam jol-qozǵalysy erjesi buzylǵan, dep habarlaıdy QazAqparat tilshisi oblystyq PD baspasóz qyzmetinen silteme jasap.
Vedomstvonyń deregi boıynsha, júrgizýshilerdiń kóliktik tártibi, jol-kólik oqıǵalaryn azaıtý, sondaı-aq, jol qozǵalysy erejesiniń buzylýyn eskertý maqsatynda qolǵa alynǵan shara barysynda 600-den astam jol-qozǵalys erjesi buzylǵany anyqtaldy.
«Oblysta 2303 ákimshilik quqyqbuzýshylyq tirkeldi. Onyń ishinde kópke ortaq jol qozǵalysy erejesin saqtamaýdyń 47 júrgizýshiniń alkoldik iship kólik júrgizýimen baılanysty. Sonymen birge, jyldamdyqty shamadan tys arttyrýdyń-347, qaýipsizdik beldigin taqpaý -407, qujatsyz kólik júrgizgen 94 oqıǵasy tirkelgen. Jol-qozǵalys erejesin saqtamaǵan 412 jaıaý júrginshige ákimshilik jaza qoldanyldy», - deıdi vedomstvodan.
Kókshetaý qalasynyń 50 jastaǵy turǵyny «Toyota Sprinter Carib» kóligimen joldyń shetine shyǵyp, jaryq baǵanyna soǵylǵan. Oqıǵa ornyna jetken tártip saqyshlary er adamnyń masań kúıde ekenine kóz jetkizdi.
Sonymen qatar, tártip saqshylary aktsııa kezinde jolaýshylar tasymalynyń qaýipsizdigine de kóńil bólingenin aıtýda.
«Esil aýdanynyń turǵyny VAZ 21150 kóligimen ruqsat qujatynsyz jolaýshy tasymaldaǵany anyqtaldy. Osyǵan baılanysty er adamnyń ústinen QR ÁQbK 463 babynyń 1bóligi boıynsha ákimshilik hattama toltyryldy», -dep tolyqtyrdy polıtsııa.
