Aqmolada balalarǵa arnalǵan kúıikke qarsy biregeı tósek-oryn paıda boldy
KÓKShETAÝ. QazAqparat – Aqmola oblystyq kópbeıindi balalar aýrýhanasynda balalarǵa arnalǵan biregeı kúıikke qarsy tósek-oryn paıda boldy, dep habarlaıdy QazAqparat tilshisi.
«Satýrn-90» ataýly órtke qarsy tósek orny reseıde óndirilgen. Bul óńirdgi jalǵyz tósek oryn.
«Tósek kúıik, teriniń zaqymdanýy jáne otadan keıingi jaralary bar balalar men jasóspirimderdi emdeýge arnalǵan. Kereýettiń biregeıligi - qaıta paıdalanýǵa bolatyn paraqtyń astynda mıkrokrıstaldar, natrıı-kaltsıı áginiń mıkrosferasy sýdyń ımıtatsııasyn jasaıdy. Naýqas osy betinde bolǵan kezde, adam sýda júzip júrgen sııaqty, biraq munda bári qurǵaq jáne teri qabattaryna qysym joq. Osylaısha, zaqymdalǵan ýchaskeler qalpyna keledi jáne qan aǵymy jaqsarady, sondaı-aq jaralardy emdeý jedeldeıdi», - dep bólisti oblystyq kópbeıindi balalar aýrýhanasynyń dırektory Serikjan Sabyrálıev.
Aıta ketsek, 2021 jyly kópbeıindi oblystyq balalar aýrýhanasyna kúıik shalǵan 131 bala tústi.
Onyń ishinde jeteýiniń jaǵdaıy aýyr boldy, úsheýiniń denesi 30-dan 60 paıyzǵa deıin kúıip qaldy. Bir balany qutqarý múmkin bolmady.
«Bul tósek jaralardy zararsyzdandyrýdyń erekshe qasıetterine ıe. Munda qaıta paıdalanýǵa bolatyn jaıma suıyqtyqty sińiredi jáne ol natrııge aınalady, osylaısha dezınfektsııalanady», - dep túsindirdi S.Sabyrálıev.
