Aqmolada balalar úıirmelerge tegin bara alady
KÓKShETAÝ. QazAqparat – Endi 4-17 jas aralyǵyndaǵy balalar ózderiniń súıikti úıirmesine tegin bara alady. Joba aıasynda Aqmola oblysynyń balalary úshin jumystyń 58 baǵyty qoljetimdi bolmaq, dep habarlaıdy QazAqparat tilshisi.
Aqmola oblysynyń Mádenıet, arhıvter jáne qujattamadar basqarmasynyń basshysy Aıgúl Sábıtovanyń aıtýynsha, jobanyń negizgi mindeti – balalarǵa yńǵaıly jaqyn jerde ornalasqan úıirmelerde tegin aınalysýǵa múmkindik berý.
«Joba tolyǵymen tsıfrlyq formatta artsport.edu.kz portalynda iske asyrylady. Portal shyǵarmashylyq úıirmelerge qatysýǵa vaýcher alý úshin qyzmet kórsetýshilerdiń, sondaı-aq balalar men jasóspirimderdiń ata-analarynyń nemese zańdy ókilderiniń ótinimderin tirkeýge jáne ruqsat berýge ázirlengen. Balalar úshin úıirmelerdiń 58 baǵyty qoljetimdi bolady. Aqmola oblysynda baǵdarlamany júzege asyrýǵa bıylǵy jyldyń sońyna deıin 134,5 mln teńge bólindi. Sabaqqa 4 jastan 17 jasqa deıingi balalar qatysa alady», – dedi A.Sábıtova.
Vedomstvo jumystyń qalaı ótetinin túsindirdi. Barlyq qajetti talaptarǵa sáıkes keletin kásipker portalda tirkelip, ótinim jiberedi. Onyń maquldaýynan keıin portalda tirkelgen ata-analar balasynyń tańdaǵan úıirmege barýyna ótinish beredi. Ruqsat vaýcherdi alǵannan keıin balalar tańdaǵan úıirmesinde tegin aınalysa bastaıdy, kásipker memleketten oqý aqysyn tólenedi.
Avtory Oksana Matasova
