Aqmolada áıel jalǵan PTR anyqtamamen sanıtarlyq postan ótpek boldy
Vedomstvonyń málimetinshe, bıylǵy jeltoqsannyń 8-de sanıtarlyq postan jalǵan PTR anyqtamamen ótpekshi bolǵan áıel ustaldy.
«Áıeldiń PTR anyqtamasynda mór men shtrıh-kod bolǵan joq. Sanıtarlyq normany buzǵan áıeldi ákimshilik jaýapqa tartý úshin is materıaldary jınaqtaldy» deıdi vedomstvodan.
Aıta ketý kerek, Kókshetaý qalasynyń karantın aýmaǵyndaǵy sanıtarlyq postarda polıtsııa jáne medıtsına qyzmetkerleri kezekshilik etýde.
Tekserý úshin ІІM esebi, «Stopcorona» saıty jumys isteýde. Sonymen birge, sanıtarlyq postarda ákimshilik zańbuzýshylyqtar da anyqtalady.
«Bir kúnniń ishinde 137 zańbuzýshylyq anyqtaldy. Onyń ishinde júrgizýshi kýáliginiń bolmaýy, qaýipsizdik belbeýin taqpaý, tıisti ruqsat qujatynsyz et tasymaldaý tárizdi zańbuzýshylyqtar bar» deıdi vedomstvodan.
Osy rette tártip saqshylary azamattarǵa sanıtarlyq-epıdemıologııadyq qyzmettiń qaýlysynda kórsetilgen shekteý sharalary jáne qoldanystaǵy zańnamany saqtaýǵa shaqyrady.