Aqmolada avtokólikterdi zańsyz tehnıkalyq baıqaýdan ótkizý oqıǵalary anyqtaldy
Vedomstvonyń málimetinshe, respýblıkalyq «Ystyq shilde» aktsııasy sheńberinde shetelde tirkelgen avtokólikterdi tehnıkalyq baıqaýdan ótkizý týraly talondardy zańsyz ázirleý qyzmetteriniń habarlandyrýlary ornalastyrylǵan saıttarǵa monıtorıng júrgizý barysynda «Tehosmotr RF», «Tehosmotr Armenııa, Kırgızııa ı Rossııa v Kokshetaý» sııaqty habarlandyrýlar anyqtaldy. Barlyǵy «OLX» saıtynda osyndaı qyzmetterdi usynatyn 32 habarlandyrý jarııalanǵan.
«Jaǵdaıdyń mán-jaıyn anyqtaý maqsatynda «Aqmola - adaldyq alańy» jobalyq keńsesi «Jasyryn satyp alýshy» ádisimen habarlandyrýlardyń bireýi boıynsha qyzmet usynýshyǵa habarlasyp, áńgime barysynda «Radık» esimdi azamat Reseı Federatsııasynda nemese Armenııada jáne Qyrǵyzstanda tirkeýde turǵan avtokólik quraldaryn tehnıkalyq baıqaýdan ótkizý qyzmetterin usyndy. ıAǵnı avtokólik quralyn kórsetpeı aq, WhatsApp messendjeri arqyly talon alýǵa bolatyny anyqtaldy. Tıisti derekterdi Reseı Federatsııasynyń tehnıkalyq baıqaý aqparattyq júıesine engize otyryp resmı talon berý boıynsha qyzmetin 5000 teńgege baǵalap otyr. Al tehnıkalyq baıqaý aqparattyq júıesine sáıkestendirilgen derekterdi engizýsiz beriletin resmı emes talon úshin 4000 teńge suraıdy.
Onyń aıtýynsha, qyzmetti alý úshin bar bolǵany avtokóliktiń sýretin jáne qujattaryn What'sApp arqyly jiberý qajet. Al tehnıkalyq baıqaýdan ótý týraly daıyn talondy alý jáne osy qyzmet úshin aqysyn tóleý úshin qyzmet kórsetýshimen kezdesý qajet», deıdi «Aqmola - adaldyq alańy» jobalyq keńsesindegiler.
Vedomstvoda atap ótkendeı, tehnıkalyq baıqaýdy ótkizýdiń mundaı ádisi QR zańnamasy talaptaryna qaıshy, jol qozǵalysy qaýipsizdigine qater tóndiredi, sonymen qatar azamattardyń parasattylyǵy deńgeıin tómendete otyryp, jemqorlyqtyq quqyq buzýshylyqtarǵa ákeledi.
«Kolesa.kz», «OLX» habarlandyrýlar saıttarynyń statıstıkalyq derekterine súıensek, búgingi tańda Aqmola oblysynda 1145 shetelde tirkelgen avtokólik satylýda. Avtokóliktiń sýreti arqyly tehnıkalyq baıqaýdan ótý talondaryn satý jáne satyp alý máselesi aýqymdy sıpatqa ıe bolyp keledi. Satyp alynǵan mundaı talondar avtokóliktiń qaýipsiz jol qozǵalysy talaptaryna sáıkes keletinine kepildik bermeıdi.
Osyǵan oraı, «Aqmola - adaldyq alańy» jobalyq keńsesi jeke kólik quraldaryn tehnıkalyq baıqaýdan ótkizý týraly talapty alyp tastaý, bul talapty tek qoǵamdyq kólikterge jáne memlekettiń teńgerimindegi kólikterge qaldyrý týraly usynys bildirip otyr. Sondaı-aq, tehnıkalyq baıqaý mindetti talap bolyp qalatyn jaǵdaıda, keden odaǵyna jatatyn elderdiń kólik quraldaryn tehnıkalyq baıqaý júıelerin biriktirý qajet.
Sondaı-aq, shekaradan ótý faktisin tekserý jáne avtokólikti tehnıkalyq baıqaýdan ótkizý úshin talondardy satý jáne satyp alý úshin qatań jaza qoldaný faktisin tekserý arqyly shetelde kólik quralyn tehnıkalyq qaraýdan ótkizýdi baqylaýdy kúsheıtýge baǵyttalǵan sharalar tıimdi bolady.