Aqmolada aýyl sharýashylyǵy ónimderiniń eksporty 10,4% tómendedi

ASTANA. QazAqparat – Aqmola oblysynyń aýyl sharýashylyǵy salasynyń birqatar sektorynda kórsetkishter tómendedi, dep habarlaıdy QazAqparat tilshisi.

«Qańtar-mamyr aralyǵynda aýyl sharýashylyǵy óniminiń eksporty 165,5 mln dollar boldy. Byltyr sáıkes kezeńde eksport kólemi 184,6 mln dollarǵa baǵalanǵan. ıAǵnı, bıylǵy mólsher ótken jylǵy kórsetkishtiń 89,6% teń. Birinshe toqsanynda aýyl sharýashylyǵy salasyndaǵy ortasha jalaqy 193,8 myń teńgeni qurady. Ol 2022 jyldyń uqsas kezeńimen salystyrǵanda 25,8%-ǵa artyq», - delingen ákimdik usynǵan derekte.

Munymen qatar, Aqmolada alǵashqy úsh aıda óndirilgen un kólemi tómendegen. Atap aıtqanda oblys aýmaǵyndaǵy dıirmenderde 90,8 myń tonna un tartyldy.

Bul byltyrǵy kórsetkishten 7,5%-ǵa az.

Quzyrly organ málimdegendeı, tamaq ónimderi óndirisiniń negizgi kapıtalyna baǵyttalǵan ınvestıtsııa kólemi de kemigen.

Atalǵan sektorǵa birinshi toqsanda 5,1 mlrd teńge salyndy. Bul 2022 jyly baǵyttalǵan qarajattyń 42,6 paıyzy ǵana.

Oǵan óńdeý kásiporyndaryna arnalǵan kúrdeli salymdardyń azaıýy sebep bolyp otyr.