Aqmolada «Aýyl - el besigi» jobasy júzege asyrylyp jatyr

KÓKShETAÝ. QazAqparat - Aqmola oblysynda aýyl aýmaqtarynyń áleýmettik ortasyn jańǵyrtý boıynsha «Aýyl - el besigi» jobasy júzege asyryla bastady, dep habarlaıdy QazAqparat tilshisi oblystyq ishki saıasat basqarmasyna silteme jasap.dy

Vedomstvonyń málimeti boıynsha, óńirde perspektıvasy bar 208 eldi meken anyqtalsa, onyń 3-de túrlendirý jumystary qolǵa alynýda.

Máselen, Astrahan aýylynda 6 bastama júzege asyrylýda. Onda bilim berý mekemeleri, aýdandyq mádenıet úıi, jol-kóshe jelisi, sýmen jabdyqtaý júıesi, jylý júıesi men jylý qazandyǵynyń qurylysy qarastyrylǵan.

«Elbasynyń 100 astam dene shynyqtyrý -  saýyqtyrý keshenderin salý boıynsha tapsyrmasy aýyldyq jerlerde buqaralyq sport nysandarynyń qoljetimdiligin arttyrdy. Bıylǵy jyly Arshaly kentinde dene shynyqtyrý -  saýyqtyrý kesheniniń qurylysy bastalady.

 Mádenı-tarıhı muraǵa baı jáne teńdesiz tabıǵı lanshaftimen tanymal Zerendi aýdanynda týrıstik klasterdi damytýǵa erekshe kóńil bólinýde. Bul aýdanda aýdandyq mádenıet úıi, jol-kóshe jelisi, avtomobıl joldaryn qalpyna keltirý, sýmen jabdyqtaý júıesi men sý aıdaý munarasyn aýystyrý, Zerendi aýylyndaǵy ortalyq jylý qazandyǵyndaǵy jylý agregattaryn ornatý boıynsha 10 joba qarastyrylyp otyr.

Jalpy, bıylǵy jyly Aqmola oblysynda «Aýyl - El besigi» jobasyn júzege asyrý úshin 2,7 mıllıard teńgeden astam qarjy bólinip,  100 astam jańa jumys ornyn ashý josparlanǵan», deıdi Aqmola oblysynyń ishki saıasat basqarmasyndaǵylar.