Aqmolada attestat tapsyrý rásimine qatysqan adam koronavırýs juqtyryp aldy
KÓKShETAÝ. QazAqparat – Aqmola oblysynda bir táýliktiń ishinde koronavırýs ınfektsııasyn juqtyrǵan 19 adam óz betinshe dárigerge júgingen. Onyń ishinde attestat tapsyrý rásimine qatysqan adam koronavırýs juqtyryp aldy, dep habarlaıdy QazAqparat tilshisi oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimetinshe, sońǵy táýlikte oblys boıynsha 23 adamnyń koronavırýs ınfektsııasyn juqtarǵany anyqtaldy. Onyń altaýy - Kókshetaý qalasynda.
«Bir adamda skrıng kezinde anyqtalsa, ekinshisi attestat tapsyrý rásimine qatysqan kezde juqtyryp aldy», - deıdi vedomstvodan.
Juqtyrǵandardyń on biri - 67-30 jas aralyǵyndaǵy erler, toǵyzy - 71-20 jas aralyǵyndaǵy áıelder. Budan bólek, koronavırýs 2008, 2019 jáne 2020 jyly týǵan úsh baladan tabyldy. Jalpy, Aqmola oblysynda COVID-19 juqtyrǵandardyń sany 414 jetti.
Eske sala keteıik, Kókshetaýda ata-anasyna koronavırýs juqtyrǵan astanalyq dáriger kóz jumǵan bolatyn.
