Aqmolada astyq tıelgen júk kóligine shabýyldaǵan kúdiktiler ustaldy
KÓKShETAÝ. QazAqparat - Aqmola oblysynda «Petropavl-Jezqazǵan» tasjolynda «KamAZ» júrgizýshisin tonaǵan kúdiktiler ustaldy, dep habarlaıdy QazAqparat tilshisi.
Aqmola oblystyq polıtsııa departamentiniń baspasóz qyzmeti habarlaǵandaı, 19 sáýirde Arqalyq qalalyq polıtsııa basqarmasynyń kezekshilik bólimine avtobannyń tonalǵany týraly habar túsken. Jarqaıyń aýdany aýmaǵynda «Petropavl-Jezqazǵan» tasjolynda 30 jastaǵy «KamAZ» júrgizýshisin belgisiz bireýler toqtatqan.
«Qaskúnemder er adamnyń kózin baılap, mashınaǵa otyrǵyzyp, belgisiz jaqqa alyp ketken. Anyqtalǵandaı, shabýyl maqsaty urlyq jasaý bolǵan. Biraq, tirkemesi bar 25 tonnalyq júk kóligi egistik jolyna batyp qalǵan, sondaı-aq kóliktiń dońǵalaǵy isten shyqqan. Qylmyskerler jábirlenýshini jiberýge májbúr bolǵan. Ol qalaǵa ózi jetken. Kúdiktiler onyń aqshalaı qarajaty men uıaly telefonyn alyp qoıǵan», - dedi vedomstvoda.
Polıtseıler 25 jáne 27 jastaǵy Qostanaı qalasynyń turǵyndaryn ustady.
Aqmola oblystyq PD baspasóz qyzmeti naqtylaǵandaı, qazirgi tańda sotqa deıingi tergeý júrip jatyr.
