Aqmolada alaıaq kýálik áperem degen syltaýmen 307 myń teńgeni jymqyrǵan

KÓKShETAÝ. QazAqparat - Aqmola oblysynyń sybaılas jemqorlyqqa qarsy qyzmeti A. Súıindikovke qatysty tergeý júrgizdi, dep habarlaıdy QazAqparat Sybaılas jemqorlyqqa qarsy qyzmetke silteme jasap.

«Ol azamatsha E.A.Voronınadan uly R.E.Mıneevtiń atyna QR QM Áskerı-tehnıkalyq mektebinde oqýdy aıaqtaǵany týraly kýálik bermek bolǵan. Ol úshin Kókshetaý qalasynyń qorǵanys isteri jónindegi basqarmasy laýazymdy tulǵalaryna para beremin degen syltaýmen áıeldiń 307 myń teńgesin alaıaqtyq jolmen ıemdendi dep aıyptalǵan» delingen habarlamada.

13 aqpan kúni Kókshetaý qalalyq sotynyń úkimimen Súıindikovke 3 jyl 6 aıǵa bas bostandyǵyn shekteý jazasy taǵaıyndaldy. Ol memlekettik qyzmette laýazym ıelený quqyǵynan ómir boıyna aıyryldy.