Aqmolada ádilet departamentiniń qyzmetkerleri memleket múlkin jymqyrdy dep aıyptalýda

NUR-SULTAN. QazAqparat - Aqmola oblysy ádilet departamentiniń laýazymdy tulǵalary memlekettik múlikti jymqyrdy dep aıyptalýda, dep habarlaıdy QazAqparat sybaılas jemqorlyqqa qarsy qyzmetke silteme jasap.

Aqmola oblysynyń sybaılas jemqorlyqqa qarsy qyzmeti oblystyq ádilet departamentiniń qyzmetkerlerine qatysty memlekettik múlikti jymqyrý faktisi boıynsha sotqa deıingi tergeýdi bastady.

«2019 jyldyń jeltoqsanynda oblystyq ádilet departamentiniń qyzmetkerleri qylmystyq kelisimge kelip, osy departamentttiń balansynda turǵan, quny bir mıllıon teńgege jýyq qural-jabdyqtardy zańsyz alyp, jymqyrǵany úshin kúdikke ilindi. Kinásin tolyq moıyndaýyna baılanysty kúdiktiler qamalǵan joq. Tergeý jalǵasýda» delingen habarlamada.

Aıyptalýshylarǵa qatysty túpkilikti sheshimdi sot shyǵarady.