Aqmolada «adaldyq dúkeni» ashyldy
KÓKShETAÝ. QazAqparat - Aqmola oblystyq sotynyń qyzmetkerleri men onda kelýshiler «adaldyq saýda dúkeninde» satyp alǵan zattarynyń aqshasyn jáshikke qaldyryp ketedi, dep habarlaıdy QazAqparat oblystyq sotynyń baspasóz qyzmetine silteme jasap.
Dúkende satýshy joq, tek zattardyń baǵalary kórsetilgen jáne osy jerde jáshik qoıylǵan.
Integrity shop - «adaldyq saýda dúkeni» QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń departamentimen ózara is-qımyl negizinde sot ǵımaratynyń holynda ashyldy. Joba talaı jyldardan beri skandınavııa elderinde qoldanylyp kele jatqan tájirıbe boıynsha iske asyryldy.
Taýarlardy (nan-toqash ónimderi men sýsyndardy) qoǵamdyq tamaqtandyrý salasynda qyzmet kórsetetin kásipkerler usynyp otyr.
«Joba azamattardyń boıyna parasattylyq pen adaldyq sııaqty moraldyq qasıetterdi darytýǵa tárbıeleýge baǵyttalǵan. Osy faktorlar sybaılas jemqorlyqtan arylýǵa kómektesedi», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń departamenti basshysynyń orynbasary Raıhan Brataeva.
«Dúkendi ashyp otyrǵan beıtanys adamnyń senimin aqtaý kúndelikti qalypty jaǵdaıǵa aınalýǵa tıis», - dep sendirdi Sottar ákimshisi basshysynyń orynbasary Saıra Shýaqpaeva.
