Aqmolada «Adal urpaq» erikti mektep klýbtarynyń sleti ótti
Aqmola oblysynyń ishki saıasat basqarmasy men Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń birlesip uıymdastyrýymen ótken sharaǵa oblystyń 19 óńirinen kelgen oqýshylar - «Adal urpaq» erikti mektep klýbtarynyń músheleri men oqýshylar arasynda sybaılas jemqorlyqqa qarsy mádenıetti qalyptastyrýǵa baǵyttalǵan qalalyq jáne aýdandyq baıqaýlardyń jeńimpazdary qatysty.
Slettiń alǵashqy kúni «Bir el. Bir taǵdyr. Bir bolashaq» bı fleshmobymen ashylyp, «Adaldyq alańy» kvest-oınyna ulasty.
Qyzyqty, tartysty saıys nátıjesinde «Jolbarystar», «Family», «Da» jáne «Dostyq» komandalary júldeli oryndarǵa ıe boldy. Sondaı-aq, «Adal urpaq» klýbtarynyń jumysy týraly dóńgelek ústel uıymdastyryldy.
«Slettiń ekinshi kúni de qyzyqty ótti. Ár óńirden kelgen delegattar 2017-2018 oqý jylynda ótkizilgen is-sharalar týraly teatrlandyrylǵan kórinis nemese úgit brıgadasy, «Adal urpaq» klýbynyń jumysy týraly beınerolık túrinde óz esepterin usyndy», dep túsindirdi vedomstvodan.
Sonymen qatar, slette sybaılas jemqorlyqqa qarsy mádenıetti, oqýshylardyń adamgershilik jáne sybaılas jemqorlyqqa qarsy dúnıetanymynyń negizderin qalyptastyrýǵa baǵyttalǵan konkýrstardyń jeńimpazdary men belsendi qatysýshylaryn marapattaý rásimi ótti. Shara sońynda qatysýshylarǵa «Adal urpaq» erikti mektep klýbtarynyń ekinshi oblystyq sletine qatysýshy sertıfıkattary tabys etildi.