Aqmolada Abaıdyń 175 jyldyǵyna oraı shyǵarmashylyq baıqaý ótti

KÓKShETAÝ. QazAqparat – Aqmola oblysynyń «Rýhanı jańǵyrý» óńirlik jobalyq keńsesi men oblystyq oqytý-ádistemelik ortalyǵy birlesip, Abaıdyń 175 jyldyǵyna arnalǵan respýblıkalyq «Biz – Abaı jolyndamyz!» konkýrs-esse onlaın baıqaýyn uıymdastyrdy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Baıqaýǵa elimizdiń ár óńirinen 40-tan astam stýdent qatysyp, baq synady. Baıqaýdyń alǵashqy kezeńinde qatysýshylar «Abaı jolyn» qazaq jáne orys tilderinde oqyp berdi. Alǵashqy kezeńnen súrinbeı ótken 20 qatysýshy fınalǵa shyqty. Fınalda ZOOM arqyly oblystyq oqytý-ádistemelik ortalyǵynyń vebınaryna qosylyp, «Abaı joly» romany boıynsha 45 mınýttyń ishinde «Atanyń uly emes, eliniń uly» jáne «Dýhovnaıa natýra poeta ı melodııa lıýbvı» taqyrybynda shyǵarma jazdy.

«Baıqaýǵa qatysyp, jeńimpaz atanǵanyma qýanyshtymyn. Muqtar Áýezov aqynnyń ishki jan dúnıesin jaqsy kórsete aldy. Abaıdyń ishki jan dúnıesi «Abaı joly» romanynda jan – jaqty, oqyrmanǵa túsinikti etilip sýrettelgen. Oqyǵan adamnyń Abaı men onyń shyǵarmashylyǵyna qyzyǵýshylyǵy artady», – deıdi Shoqan Ýálıhanov atyndaǵy Kókshetaý memlekettik ýnıversıtetiniń stýdenti Aslan Ábýtálipov.

Baıqaý jeńimpazdary gramota jáne baǵaly syılyqt armen marapattaldy. Sharanyń Uly aqynnyń baǵa jetpes rýhanı murasyn nasıhattaýǵa arnalyp otyr.