Aqmolada 900-den astam adam Qazaqstan azamattyǵyn aldy
KÓKShETAÝ. QazAqparat - Qazaqstanda bolý tártibin buzǵan 200-den astam sheteldik el aýmaǵynan shyǵyryldy, dep habarlaıdy QazAqparat tilshisi Aqmola oblysynyń PD baspasóz qyzmetine silteme jasap.
Vedomstvonyń deregi boıynsha, 2018 jyldyń qorytyndysy boıynsha, kóshi-qon salasy boıynsha barlyǵy 450 000 qyzmet kórsetilgen. Onyń ishinde eńbek mıgranttaryna 16 000 astam ruqsat berildi jəne uzartyldy. Aqmola oblysy boıynsha 900-den astam adam Qazaqstan Respýblıkasynyń azamattyǵyn alǵan.
Sonymen qatar, jyl ishinde Qazaqstanda bolý tártibin, ıaǵnı ákimshilik jəne azamattyq-protsessýaldyq kodeksti buzǵan 200-den astam sheteldik el aýmaǵynan shyǵyrylǵan. 3 myńnan astam aqmolalyq respýblıkadan tys jerlerde turaqty turý úshin shyǵý ruqsaty berilgen.
«Halyqqa kórsetiletin qyzmettiń qoljetimdiligi men sapasyn kóterý boıynsha jumys jasaý qajet. Əsirese, aldyńǵy qatarly sheteldik jəne otandyq təjirıbeni engizý, bólimsheler qyzmetkerleriniń biliktiligin arttyrý arqyly jumys úlgisi men ədisin jetildirý josparda bar»-, dep atap ótti mıgratsııalyq qyzmetten.
Eske sala keteıik, ótken jyldyń jeltoqsan aıynda Kókshetaý qalasynda kóshi-qon qyzmetin kórsetetin ortalyq ashyldy. Aqmola oblysy boıynsha kóshi-qon qyzmetimen jyl boıy memlekettik qyzmettiń 17-i túri kórsetiledi.
