Aqmolada 845 adam men 556 kólik qar qursaýynan shyǵaryldy
KÓKShETAÝ. QazAqparat - Aqmola oblysynda jolda qar qursaýynda qalǵan 845 adam jáne 556 tehnıka qutqaryldy. Sondaı-aq, 1391 adam qaýipsiz jerge kóshirildi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, óńirde aqtútek borannan jolda qalǵan adamdar men kólikterdi qutqarý jumysy áli jalǵasýda.
«Sońǵy táýliktiń ishinde jolda qar qursaýynda qalǵan 845 adam (onyń 92 bala) jáne 556 tehnıka (3 jedel járdem kóligi) qutqaryldy. Sondaı-aq, 1391 adam (onyń 127-si - bala) qaýipsiz jerge kóshirildi. Jylyný ornyna 1212 adam (onyń 96-sy - bala) ornalastyryldy. Ereımentaý aýdanynda - 90 adam, Býrabaı aýdanynda - 107, Atbasar aýdanynda - 18, Tselınograd aýdanynda - 812, Astrahan aýdanynda - 4, Sandyqtaý aýdanynda - 2, Esil aýdanynda - 10, Arshaly aýdanynda - 3, Qorǵaljyn aýdanynda - 115, Shortandy aýdanynda - 35 jáne Stepnogor qalasynda- 16 adam jylyný beketine jaıǵasqan. Al, 1082 adam ol jerlerden shyǵyp ketti», - dedi vedomstvonyń baspasóz qyzmetindegiler.
