Aqmolada 8 jyljymaly medıtsınalyq keshen men 38 reanımobıldiń kilti tapsyryldy
Kókshetaý qalasynyń Abylaıhan alańynda karantın talaptaryn saqtaı otyryp, uıymdastyrylǵan shara koronavırýs pandemııasymen kúreske eleýli úles qosqan 6 medıtsına qyzmetkeri men 8 tártip saqshysyn «Halyq alǵysy» medalimen marapattaý rásimimen bastaldy.
«Búgingi tańda oblysta koronavırýs ınfektsııasynyń ekinshi tolqynyna daıyndyq qyzý júrgizilýde. Bizdiń basty mindetimiz – koronavırýs ınfektsııasynyń taralýyna jol bermeý. Osy rette, óńirde qazirgi zamańǵy medıtsınalyq nysandar salynyp, materıaldyq – tehnıkalyq bazalary jańartylýda. Pandemııamen kúresýde medıtsına qyzmetkerleri men tártip saqshylarynyń qosyp otyrǵan úlesi zor. Sizderdiń minsiz qyzmetterińiz, Otanymyzdyń múddesine degen adaldyqtaryńyz úshin taǵy da shynaıy rızashylyǵymdy bildiremin. Koronavırýs pandemııasy kezeńinde azamattardyń densaýlyǵyn, qaýipsizdigi men əleýmettik jaǵdaıyn qorǵaýda dárigerler sııaqty Sizder de óz densaýlyqtaryńyzdy təýekelge tigip, óńirde qaýipti indettiń jaıylýyn tejeýge eleýli úlesterińizdi qosyp kele jatyrsyzdar. Oblysymyzdyń eldimekenderiniń kóshelerindegi tərtip pen aqmolalyqtardyń tynyshtyǵy, óz qaýipsizdigine degen senimderi tikeleı sizderge baılanysty», – deı kele aımaq basshysy Ermek Marjyqpaev óńirdegi medıtsınalyq mekemelerge 8 jyljymaly medıtsınalyq keshen, Kókshetaý qalasynyń jedel járdem stansasyna 38 reanımobıl jáne 24 patrýl avtokóliginiń kiltin tabys etti.
Sonymen qatar aımaq basshysy oblys ákimdigi tarapynan óńirdiń densaýlyq saqtaý salasy men polıtsııa qyzmetine jasalyp otyrǵan qoldaýy olardyń jumys tıimdiligi men sapasyna oń yqpal etetinin atap ótti.
