Aqmolada 8 myńǵa jýyq jumys orny ashyldy
KÓKShETAÝ. QazAqparat - Aqmola oblysynda 8 myńǵa jýyq jańa jumys orny ashyldy. Bul týraly oblystyq máslıhat depýtattary aldynda ótken eseptik kezdesýinde aımaq basshysy Málik Myrzalın atap ótti, dep habarlaıdy QazAqparat tilshisi.
Aımaq basshysynyń aıtýynsha, óńirde shaǵyn jáne orta bıznesti damytý boıynsha shaǵyn nesıe berý kólemi 4 mıllıard teńgege ulǵaıdy. Onyń 1 mıllıard teńgeden astamy Memleket basshysynyń bes áleýmettik bastamasy sheńberinde. Jeńildetilgen nesıe 800-den astam adamǵa berilse, onyń kópshiligi aýyl turǵyndary.
«Qoldaý nátıjesi retinde 3,5 myń adam kásipkerlikpen aınalysý múmkindigin aldy. Salyq túsimi 6 paıyzǵa artty», - dep atap ótti M.Myrzalın.
