Aqmolada 64 jastaǵy aýyl turǵyny ulyna pyshaq saldy

KÓKShETAÝ. QazAqparat - Aqmola turǵyny janjal kezinde ulyna pyshaq suǵyp aldy, dep habarlaıdy QazAqparat tilshisi.

Aqmola oblystyq PD baspasóz qyzmetiniń málimetinshe, bıylǵy mamyrdyń 30-da Tselınograd aýdanynyń polıtsııa bólimine Prırechnoe aýylynyń 63 jastaǵy turǵyny habarlasqan.

Onyń aıtýynsha, kúıeýi ulyna pyshaq jaraqatyn salǵan.

«Oqıǵa ornyna jetken polıtsııa qyzmetkerleri 64 jastaǵy er adamnyń alkogoldi ishimdik ishkennen keıin ulymen janjaldasqanyn anyqtady. Janjal kezinde er adam ulynyń sol jaq qoltyǵynyń astyna pyshaq suǵyp alǵan. Jas jigit aýrýhanaǵa jatqyzyldy. Er adam qylmysyn moıyndady. Zattaı aıǵaqtar alyndy», - dedi vedomstvodan.

Qazirgi kezde osy oqıǵaǵa baılanysty Qylmystyq kodekstiń 106-babynyń 1-shi bóligi boıynsha sotqa deıingi tergeý sharalary júrip jatyr.

Sondaı-aq, sot-medıtsınalyq saraptama taǵaıyndaldy.