Aqmolada 6 jasar Bekmansur kólik súırep, rekord ornatty
KÓKShETAÝ. QazAqparat - Aqmola oblysynda 6 jasar Bekmansur jeńil avtokólikti 20 metrge deıin súırep, rekord ornatty. Bul týraly Ámir Mahmet Feısbýktegi paraqshasynda jarııalady, dep habarlaıdy QazAqparat tilshisi.
Avtordyń jazbasynda kórsetilgendeı, oqıǵa «Densaýlyq kúni» festıvalinde Tselınograd aýdanynyń Qajymuqan aýylynda bolǵan.
«Búgin «Densaýlyq kúnine» oraı bizdiń aýylda, qazaqtyń birtýar balýany Qajymuqan Muńaıtpasovtyń týǵan jerinde 6 jasar Bekmansur jeńil avtokólikti 20 metr qashyqtyqqa deıin tartyp, rekord ornatty. Óziniń kishkentaı bolǵanyna qaramastan, Bekmansur naǵyz batyr. Ol meni óziniń aǵasyndaı kórip, únemi jaqyn tartyp júredi. Men muny maqtan tutamyn. Astana qalasynda turatyn jas batyrdyń alǵashqy jeńisiniń kýási bolý men úshin, bizdiń aýyl turǵyndary úshin zor mártebe!», - dep jazdy Ámir Mahmet.
Eske sala keteıik, ótken jyly Astana qalasyndaǵy EKSPO-2017 halyqaralyq kórmesi mańynda Qazaqstannyń Gınnestiń rekordtar kitabynda keýdeni jerden kóterý sporty boıynsha bes dúrkin rekordshy, sondaı-aq deneni birqalypta ustaý boıynsha álemdik rekordsmen ataǵynyń ıegeri Ámir Mahmet shólmekterde 53 jattyǵý jasap, jańa álemdik rekord ornatqan bolatyn.
