Aqmolada 5,8 mlrd teńgelik agrojobanyń jer máselesi sheshildi
ASTANA. KAZINFORM — Stepnogorda iri ınvestıtsııalyq jobanyń iske asýyna kedergi joıyldy.
Aqmola oblysynyń prokýratýrasy Stepnogor qalasynda agroónerkásip salasynda quny 5,8 mlrd teńgeni quraıtyn ınvestıtsııalyq jobany iske asyryp jatqan «BRESK» JShS-nyń quqyqtaryn qorǵaý boıynsha sharalar qabyldady.
Jer paıdalaný merzimin uzartý máselesiniń sheshilmeýi jobany odan ári qarjylandyrýǵa jáne iske asyrýǵa kedergi keltirgen.
— Prokýratýranyń aralasýy nátıjesinde jer paıdalaný quqyǵynyń merzimin jańa merzimge uzartý qamtamasyz etildi. Qabyldanǵan sheshim ákimshilik kedergini joıyp, qarjylandyrý tartýǵa jáne ınvestıtsııalyq jobany odan ári iske asyrýǵa qajetti jaǵdaı jasady, — delingen vedomstvo habarlamasynda.
Buǵan deıin Qaraǵandyda ınvestorlarǵa negizsiz qarjylyq sanktsııalar qoldanylǵanyn jazǵanbyz.
