Aqmolada 50 mln teńgeni jymqyrǵan qurylys basqarmasy bastyǵynyń orynbasary sottaldy
Kókshetaý qalalyq sotynyń úkimimen Aqmola oblysy qurylys basqarmasy basshysynyń orynbasary M. Qanseıitov kináli dep tanylyp, ómir boıyna memlekettik qyzmette eńbek etý quqyǵynan jáne 8 jylǵa bas bostandyǵynan aıyryldy.
Sol úkimimen «Sarapshy Arsenal» JShS quryltaıshysy B. Shaımerdenov pen «Kókshestroı Tehnadzor» JShS tehnıkalyq qadaǵalaý ınjeneri O. Renn kináli dep tanylyp, sáıkesinshe 7,5 jáne 7 jylǵa bas bostandyǵynan aıyryldy.
Olarǵa memlekettik qyzmette 5 jyl merzimge qyzmet atqarý quqyǵynan aıyrý túrindegi jaza qoldanyldy.
Tergeý barysynda sottalǵandardyń Şýchınsk qalasynda júz páterlik turǵyn úı salýǵa bólingen 50,5 mıllıon teńge kóleminde qurylys montajdaý jumystary naqty oryndalmaǵany úshin bıýdjet qarajatyn urlaǵany dáleldendi.
Úkim zańdy kúshine engen joq.
