Aqmolada 5 mln teńge para alǵan sheneýnik sottaldy
Sottyń materıaly boıynsha, QR Densaýlyq saqtaý mınıstrliginiń «Býrabaı» respýblıkalyq beıimdeý ortalyǵy» ShJQ RMK-i jəne jeke kásipker arasynda memlekettik satyp alý qorytyndysy boıynsha ortalyqta em alýshylardy tamaqpen qamtamasyz etý úshin 105 304 775 teńgege kelisimshart jasaldy. Keıin JK basshysy ashanany kórgen soń, eks dırektor oǵan naýqastardan úsh aryz túsken kezde birjaqty túrde kelisimshartty buzýǵa quqyly ekenin aıtqan. Biraq oǵan qamqorlyq jasap, kelisimsharttaǵy mindetterin oıdaǵydaı oryndaýy úshin bólinetin aqshanyń 10 paıyzyn, ıaǵnı, 10 mıllıon teńgesin berýdi talap etedi. Kásipker oǵan kelisedi. Alaıda, qarjylaı qıyndyqqa tap bolǵan ol eks-dırektor suraǵan 10 paıyz úles aqshasyn 5 paıyzǵa deıin túsiredi.
Biraq ta, kásipker əıel oǵan aqsha bermes buryn jemqorlyqqa qarsy qyzmetine eskertip úlgeredi.
Kásipker men eks-dırektor jəne onyń orynbasary úsheýi Şýchınsk qalasyndaǵy dəmhanalardyń birinde kezdesedi. Kezdesýde sottalýshy kəsipkerge aqshany kóliginiń artqy jolaýshylar oryndyǵyna salýdy ótinedi. Biraq, eks-dırektor óziniń bul qylyǵyn orynbasaryna bildirmeıdi. Keıin Býrabaıǵa bara jatqan jolda jemqorlyqqa qarsy kúres qyzmetkerleri ony qolǵa túsiredi. Kóliktiń salonynan para retinde berilgen aqsha tabylady.
Sotta sottalýshy óziniń qylmysyn (QR QK 366 babynyń 2 bóligi boıynsha) moıyndady. Sot eks- dırektordy 3 jyl 6 aıǵa bas bostandyǵynan aıyrý jazasyn taǵaıyndady. Oǵan qosa, sottalýshy ómir boıyna memlekettik qyzmette isteý quqynan aıyryldy.