Aqmolada 49 myń adam koronavırýsqa qarsy vaktsınanyń birinshi komponentin aldy

KÓKShETAÝ. QazAqparat - Aqmola oblysynda 49403 adam COVID-19-ǵa qarsy vaktsınanyń birinshi komponentin aldy. Bul týraly óńirlik kommýnıkatsııalar qyzmetinde ótken brıfıngte óńirdiń bas sanıtar dárigeri Aınagúl Mýsına aıtty, dep habarlaıdy QazAqparat tilshisi.

Onyń aıtýynsha, oblysta koronavırýs ınfektsııasyna qarsy vaktsınatsııa jalǵasýda. Vaktsınalaýdy júrgizý úshin óńirde 86 egý pýnkti jumys isteıde.

Budan bólek, uıymdastyrylǵan ujymdarda jáne aýyldyq eldi mekenderde vaktsınalaýdy júrgizý úshin egý brıgadalary bar.

Oblys boıynsha barlyǵy 26 kóshpeli mobıldi egý brıgadasy bar, olardyń 7-i qalalarda jáne 19-y aýyldyq jerlerde jumys isteıdi.

Shalǵaı eldi mekender úshin kelip túsetin vaktsına kóleminiń ulǵaıýyna baılanysty jyljymaly medıtsınalyq keshender iske qosylady, olardyń sany oblysta – 11.

Budan bólek, oblys ortalyǵyndaǵy halyq kóp jınalatyn oryndar «RIO», «TsÝM», «Krıstall», «Mechta» saýda ortalyqtary jáne Naýan Haziret atyndaǵy ortalyq egý pýnktteri ashyldy.

«Egý pýnktteri men egý brıgadalary tońazytqysh jabdyqtarymen qamtamasyz etilgen, «salqyndatý tizbeginiń» saqtalýyna turaqty baqylaý júrgiziledi. Qazirgi kezde oblysta 49403 adam COVID-19-ǵa qarsy vaktsınanyń birinshi komponentin, 11317 adam ekinshi komponentin aldy», - dedi Aınagúl Mýsına.