Aqmolada 400-den astam aýyl muǵalimine qosymsha jalaqy tólenbeı kelgen

KÓKShETAÝ. QazAqparat - Aqmola oblysy prokýratýrasy birqatar aýdandarda aýyl muǵalimderiniń múmkindigi shekteýli balalarmen jumys istegeni úshin qosymsha aqy almaı kelgenin anyqtady, dep habarlaıdy QazAqparat oblystyq prokýratýraǵa silteme jasap.

Úkimet qaýlysy boıynsha, bazalyq qyzmettik jalaqyǵa 40%-dan 50%-ǵa deıin qosymsha jalaqy tólenýi tıis. Alaıda, Jarqaıyń aýdanynda 180 aýyl muǵalimi múmkindigi shekteýli balalarmen jumys istegeni úshin ústemaqy almaǵan. Aýdan pedagogtary aldyndaǵy bereshektiń jalpy somasy 11 mln teńgeden asqan.

«Aýdan prokýratýrasynyń aktisi boıynsha bereshek tolyq kólemde tólendi», - deıdi oblystyq prokýratýra.

Aıta ketý kerek, prokýrorlar osyndaı jumystardy Aqmola oblysynyń basqa aımaqtarynda da júrgizdi. Stepnogor qalasynda eki jyl ishinde 120 pedagogke 9 mln teńgeden astam jalaqy tólenbegen. Arshaly jáne Egindikól aýdandarynda 100-den astam muǵalim 2 mln teńgege jýyq qosymsha jalaqyny alǵan joq.