Aqmolada 40-qa jýyq qoı urlaǵandar ustaldy
KÓKShETAÝ. QazAqparat – Aqmola oblysynda 36 bas qoıdy urlaǵan kúdiktiler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, mal urlyǵy bıylǵy jyldyń tamyz aıynyń basynda Astarhan aýdanynyń Zelenoe aýylynda tirkelgen. 61 jastaǵy zardap shegýshiniń sózinshe, 5-shi tamyz kúni túnde belgisiz adamdar jazǵy qoradan 36 aıdap áketken. Keltirilgen shyǵyn kólemi 900 000 teńgeni qurady.
«Tártip saqshylary Astrahan jáne kórshi aýdandar men Elorda aýmaǵynda jedel izdestirý sharasyn júrgizdi. Nátıjesinde Shilikti aýylynyń eki turǵyny anyqtaldy. Qazirgi kezde, polıtsııa qyzmetkerleri kúdiktilerdiń osyndaı ózge qylmysqa qatysy bar-joǵyn anyqtaýda», deıdi vedomstvodan.
Osyǵan oraı, tártip saqshylary mal ıelerine túlikterine en, tańba salýdy, sondaı-aq, ujymdasyp baǵýdy jáne malshymen úshjaqty kelisimshart jasaý kerektigin eskertedi.
Aıta ketý kerek, tártip saqshylary jyl basynan beri mal urlyǵyna qatysty 76 qylmystyń betin ashyp, 350 bastan astam mal ıesine qaıtaryldy.
Aslan Ospanov.
