Aqmolada 37 jastaǵy áıel basshylyqqa shaǵymdanǵan áriptesin baspaldaqtan ıterip jiberdi
AQMOL. QazAqparat - Aqmola oblysynyń Aqmol aýylynda 37 jastaǵy aýyl turǵyny óziniń áriptesin baspaldaqtan ıterip jibergen. Oǵan sebep - áriptesiniń basshylyqqa shaǵym jasaýy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 14 qazan kúni Tselınograd aýdanynyń polıtsııasyna ortalyq aýdandyq aýrýhananyń feldsheri habarlasyp, qabyldaý bólimine 56 jastaǵy áıeldiń túskenin aıtqan.
Oǵan qoıylǵan dıagnoz - eki jilinshiginiń tómengi bóliginiń synyǵy.
«Keıin anyqtalǵany - Aqmol aýylynyń 56 jastaǵy turǵyny jergilikti aktsıonerlik qoǵamda dıspetcher bolyp jumys isteıdi eken. Sol kúni kúndizgi 15.00 shamasynda ol 37 jastaǵy áriptesimen kıkiljińge kelip, ol egde áıelge dene jaraqatyn salady. Oǵan deıin 56 jastaǵy jábirlenýshi basshylyqqa áriptesiniń óz mindetterin durys atqarmaıtynyn aıtyp shaǵymdanǵan. Muny kótere almaǵan 37 jastaǵy áıel shaǵymdanýshyny baspaldaqtan ıterip, qulatyp jibergen» dep túsindirdi vedomstvodan.
37 jastaǵy áıelge qatysty qylmystyq is qozǵaldy. Sot-medıtsınalyq saraptama taǵaıyndalǵan. Kúdikti óz kinásin tolyq moıyndady.
