Aqmolada 3 myń adamnyń qatysýymen «Qys» festıvali ótti

KÓKShETAÝ. QazAqparat- Aqmola oblysynda Jastar jyly jáne «Nur Otan» partııasynyń 20 jyldyǵyna oraı «Qys» atty qysqy sport túrlerinen festıval ótti, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.

«Festıval aıasynda Kókshetaý, Stepnogor qalalary men Býrabaı, Bulandy, Zerendi, jáne Sandyqtaý aýdandarynda shańǵy jarysy, short-trek, pıma-hokkeı jáne shaıbaly hokkeıden jarystar ótti», - deıdi vedomstvonyń baspasóz hatshysy Mahabbat Bolshına.

Jalpy, festıvalge 3 myńnan astam aqmolalyq qatysty.

Festıvaldiń ashylýy Şýchedegi respýblıkalyq shańǵy bazasynda ótti. Onda «Azııa balalary» halyqaralyq sport oıyndarynyń jeńimpazdary Vadım Kýrales jáne Danıl Chervenko marapattaldy.