Aqmolada 29 jastaǵy áıel dúkenge barý úshin bireýdiń kóligin minip ketken
KÓKShETAÝ. QazAqparat - Aqmola oblysynda 29 jastaǵy áıel dúkenge barý úshin bireýdiń kóligin minip ketip, jol apatyna ushyraǵan, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, Atbasar aýdandyq polıtsııasy kezekshi bólimine 31 jastaǵy jergilikti turǵyn habarlasyp, dosynyń qurbysy «Volkswagen Golf» kóligin aıdap áketkenin aıtqan.
«Kólik urlanǵany jóninde jol-patrýl polıtsııa batalonynyń ekıpajy men jasaǵyna eskertildi. Jedel ustaý sharasy kezinde kólik tereńdigi 1,5 metr orǵa qulap, qıraǵan kúıinde tabyldy. Osynyń saldarynan kólik ıesine 1,3 mıllıon teńge materıaldyq shyǵyn kelgen», - deıdi vedomstvodan.
Tártip saqshylary 29 jastaǵy áıeldi ustady. Kúdiktiniń sózinshe, ol ıesi qaraýsyz qaldyrǵan kólikke otyryp, dúkenge barmaq bolǵan. Alaıda, jarty jolda joldan shyǵyp ketip, kólikke zaqym kelgen. Qoryqqan ol kólikti tastap ketip qalǵan.
«Qazirge kezde kúdiktiniń ústinen Qylmystyq kodekstiń «bireýdiń avtomobılin urlaý maqsatynsyz zańsyz miný» baby boıynsha sotqa deıingi tergeý amaldary júrgizilýde» dep tolyqtyrdy vedomstvodan.
