Aqmolada 26 adamdy emhanaǵa tirkeýden bas tartýdyń sebebi túsindirildi
KÓKShETAÝ. QazAqparat - «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń Aqmola oblystyq fılıaly óńirde 26 adamdy emhanaǵa tirkeýden bas tartýdyń sebebin túsindirdi, dep habarlaıdy QazAqparat tilshisi.
Oblys boıynsha emhanalarǵa tirkelgen halyqtyń sany 770 770-ke jetken. Alaıda, 26 aqmolalyqty emhanaǵa tirkeýden bas tartyldy. Qordyń málimetinshe, turǵyndardy alǵashqy medıtsınalyq sanıtarlyq kómek kórsetý uıymdaryna tirkemeýdiń basty sebebi - bul jeke kýáligi, QR azamattyǵynyń, QR turǵylyqty menjaıy boıynsha tirkelgendigin aıǵaqtaıtyn qujattarynyń joqtyǵy sebep bolǵan.
«Qazir balany emhanaǵa onlaın tirkeýge bolady. Balalardy emhananaǵa tirkeý qyzmeti elektrondy úkimet portaly jáne Telegram-bote egov.kz qarastyrylǵan», dep túsindirdi «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń Aqmola oblystyq fılıalynan.
«Ulttyq aqparattyq tehnologııalar» aktsıonerlik qoǵamy qyzmetti ázirleýshileriniń sózinshe, portal arqyly qyzmet alý úshin azamattyń egov.kz tirkelýi jáne elektrondy sandyq qoltańbasy (ESQ) bolýy qajet.
Sonymen qatar, onlaın qyzmet 2007 jyly týǵan balalarǵa kórsetilmeıdi.
«Eń aldymen qoldanýshy «Densaýlyq» bóliminde alǵashqy medıtsınalyq-sanıtarlyq kómek kórsetetin uıymdy, artynan balalarǵa qyzmet degen pýnktti tańdaıdy. Júıege balanyń JSN-ni teriledi de, aqparat AHAJ bólimine týystyq qatynasty anyqtaýǵa jiberiledi. Budan soń onlaın ótinish jazylady. Onda medıtsınalyq uıym men ýchaskelik dáriger tańdalady. Kóp uzamaı turǵynnyń jeke kabınetinde atalǵan ótinishtiń qabyldanǵany bolmasa qabyldanbaǵany belgili bolady. Qyzmet kórsetý merzimi - bir jumys kúni», dep tolyqtyrdy vedomstvodan.
Sonymen qatar, vedomstvonyń málimeti boıynsha Telegram Bot arqyly qyzmet alý úshin https://t.me/EgovKzBot siltemesine kirip, alǵashqy medıtsınalyq-sanıtarlyq kómek kórsetetin uıymnyń qyzmetin tańdaý qajet. Budan keıin «Bastaý» (Start) tetigin basyp, uıaly telefonnyń nómirin chatta paıdalanýǵa ruqsat berý kerek. Ári paıdalanýshynyń mobıldi azamattar bazasynda tirkelýiniń bolýy shart.
Aıta keteıik, qazirgi kezde Qazaqstanda halyqty emhanalarǵa tirkeý naýqany júrip jatyr. Naýqan 2018 jyldyń 15 qarashasyna deıin jalǵasatyn bolady.
