Aqmolada 25 jastaǵy jigit tórt kúnnen beri tabylmaı jatyr
KÓKShETAÝ. QazAqparat - Aqmola oblysynda úıinen shyǵyp, qaıtyp oralmaǵan 25 jastaǵy er adamǵa izdeý jarııalandy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, bıylǵy jylǵy qarashanyń 09-da Zerendi aýdandyq PB kezekshilik bólimine 32 jastaǵy jergilikti turǵyn habarlasyp, birge turatyn 30.03.1996 jylǵy Valerıı Nıkolaevıch Epovty izdep tabýǵa kómek surady.
Áıeldiń sózinshe, Valerıı 7 qarasha keshki saǵat 20:00 shamasynda úıinen shyǵyp ketken. Sodan beri habarsyz.
Ol ústine qara kók tústi qysqy kýrtka toqylǵan qara bas kıim, qara sporttyq trıko kıgen. Ózimen birge, qara rıýkzak, abonenttik nómiri 8776-190-0309 «Samsýng» uıaly telefonyn alǵan.
Boıy 168 sm, dene bitimi ortasha, shashy aqshyl qońyr tústi, kózi qońyr tústi, saqaly bar.
Arqasynda «spası ı sohranı», sol qolynyń ıyq tusynda «freedom» dep jazylǵan tatýırovkasy bar.
«Qazirgi kezde izdestirý sharalaryna PD men Zerendi aýdandyq PB jeke quramy tartylyp, joǵalǵan adam izdeý jalǵasýda», - dedi vedomstvodan.
Osy rette, tártip saqshylary joǵalǵan adam týraly qandaı da bir málimet bolsa, Aqmola oblysynyń PD KPB 8(7162) 29-10-67, 29-10-68, 29-11-22, 8-701-465-66-55, Aqmola oblystyq PD kezekshilik bólimine 8(7162) 29-10-07, 29-10-08 telefondary nemese 102 jelisi arqyly habarlasýdy suraıdy.
